Գլխացավ առաջացնող սննդամթերք. med.news.am

Պարբերաբար գլխացավով եւ մինգրենով տառապող մարդկանց պարագայում սննդամթերքի որոշ տեսակներ կարող են ախտանշանների սրանցման խթան ծառայել, հաղորդում է FoxNews-ը:

Խոսքը, մասնավորապես, խաղողի մասին է, որը թեեւ ցածր կալորիականություն ունի, բայց եւ C վիտամինի ու բջջանյութի հարուստ պաշարով է աչքի ընկնում: Բացի այդ, խաղողի բաղադրության մեջ բնական ամինաթթու՝ թիրամին է պարունակում, որը սովորաբար սննդամթերքի մեջ առկա սպիտակուցների քայքայման արդյունքում է ձեւավորվում: Ահա հենց թիրամինն է, որ որոշ մարդկանց մոտ արյան բարձր ճնշում, գլխացավ հրահրելու հատկություն ունի:

Ստորեւ սննդամթերքի տեսակներ ենք ներկայացնում, որոնք կարող են գլխացավի խթանման պատճառ դառնալ.

• ծխահարված միս կամ երշիկ,
• հնեցված պանիր,
• ցիտրուսային մրգեր,
• թթու կաղամբ,
• սոյայի սոուս,
• կարմիր գինի,
• գարեջրի որոշ տեսակներ:

Հետազոտությամբ պարզվել է, որ խաղողի մեջ առկա թիրամինը որոշ, մասնավորապես՝ մոնոամինօքսիդազ ինհիբիտորների խմբին պատկանող հակադեպրեսանտների վրա բացասական անդրադառնալու միտում ունի: Հիշյալ դեղերն ընդունող հիվանդները նախապես պետք է բժշկից ցուցումներ ստանան՝ սննդակարգի վերաբերյալ:

Հարցեր, պատասխաններ, մեկնաբանություններ